Hasilnya bagadang..
Om susupo pernah babaca berita, itu proses mo batempatkan pagawe di jabatan baru, sampe dibagadang akannya bupati. Om susupo pikir, ini tantu luar biasa, karna bupati sampe rela bagadang, buat baliat satu-satu itu nama-nama yang mo ditaro di posisi baru, supaya te tasalah.
Cuma yang om susupo bingung akan, ebee ada kabar garaap yang om susupo baca kamarin. Bayangkan, di berita itu dibilang, ada orang yang so meninggal, so dikubur, tapi ternyata depe nama muncul lagi waktu pelantikan.
Memang soal ini kesalahan, tatap bisa dimaklumi, karna itu memang manusiawi. Selama masih manusia pe buatan, so pasti ada depe cacat. Cuma kalu so sampe ada yang so meninggal, kon masih talantik, tantu ada system yang te bagus di kepegawaian. Memang kalu butul-butul ada yang so meninggal, kon masih talantik, ini bukannya salahnya bupati. Tapi yang aneh itu BKD, kalu sampe te mampu badata depe pagawe sandiri. Kan BKD pe tugas ba urus samua pagawe, bukan ba urus soal proyek, bukan ba urus soal doi-doi. Tagal itu, jadi aneh tantu, kalu sampe itu data pagawe te tasadia deng bagus, kon depe jadi, yah kasian bupati yang bisa tasalah. Noh bayangkan sandiri, so dibagadang akan, ebee masih ada yang tasalah. Om susupo juga pusing baliat itu mutasi kamarin, yang rupa pe banyak skali. Ada yang bilang sampe 600 orang. Ebee, kalu so bagitu depe jumlah, so sama deng 6 kompi.
Bupati yang mangaku so bagadang, mustinya ba ambe tindakan sama itu BKD atau sama Baperjakat yang ba urus soal promosinya orang ka jabatan. Karna kalu so sampe dibagadang akannya bupati, kon masih juga ada yang kalangkabut, kan berarti tasalah sama yang basadia akan data-data.
Om susupo pikir, barangkali kalu mo ada lagi acara babalantik laen kali, coba te usah talalo banyak satu kali. Barangkali kan lebeh bae di bikin barapa hari, supaya masih bisa taliat bae-bae. Yah, jang sampe baru soal bateru pagawe di jabatan-jabatan saja, depe hasil kalangkabut, kon ada turus depe masalah. Kalu baru urusan ba teru pagawe di jabatan so babagitu, baru bagimana deng mo ba urus rakyat, bagimana deng urusan mo babangun Kabupaten Banggai dengan lompatan berkali-kali, kon bagimana deng urusan mo babangun Kabupaten Banggai dari desa ? Jang sampe, lima taon masa jabatan bajalan, te jelas itu urusan pembangunan deng lompatan berkali-kali…Kon kalu bagitu depe jadi, jang heran juga kalu banyak orang yang akhirnya babalompat ka laen hati di taon 2016…**
Cuma yang om susupo bingung akan, ebee ada kabar garaap yang om susupo baca kamarin. Bayangkan, di berita itu dibilang, ada orang yang so meninggal, so dikubur, tapi ternyata depe nama muncul lagi waktu pelantikan.
Bupati yang mangaku so bagadang, mustinya ba ambe tindakan sama itu BKD atau sama Baperjakat yang ba urus soal promosinya orang ka jabatan. Karna kalu so sampe dibagadang akannya bupati, kon masih juga ada yang kalangkabut, kan berarti tasalah sama yang basadia akan data-data.
Om susupo pikir, barangkali kalu mo ada lagi acara babalantik laen kali, coba te usah talalo banyak satu kali. Barangkali kan lebeh bae di bikin barapa hari, supaya masih bisa taliat bae-bae. Yah, jang sampe baru soal bateru pagawe di jabatan-jabatan saja, depe hasil kalangkabut, kon ada turus depe masalah. Kalu baru urusan ba teru pagawe di jabatan so babagitu, baru bagimana deng mo ba urus rakyat, bagimana deng urusan mo babangun Kabupaten Banggai dengan lompatan berkali-kali, kon bagimana deng urusan mo babangun Kabupaten Banggai dari desa ? Jang sampe, lima taon masa jabatan bajalan, te jelas itu urusan pembangunan deng lompatan berkali-kali…Kon kalu bagitu depe jadi, jang heran juga kalu banyak orang yang akhirnya babalompat ka laen hati di taon 2016…**
